»Новости культуры / У Беларусі абароняць кулінарную спадчыну, каб не есці адны дранікі
»
  http://bresttheatre.com/page.php?id=675

Автор: , Отправлено: 2011-01-05 04:44.
У Таварыстве аховы помнікаў і культуры з’явілася секцыя па абароне нацыянальнай кухні. Яе дзейнасць прадугледжвае кулінарныя фэсты, спецыяльныя курсы ў навучальных установах і заканадаўчыя ініцыятывы.

Пра гэта Еўрарадыё распавёў кіраўнік секцыі гісторык Алесь Белы. Па яго словах, ужо цяпер мы рызыкуем страціць пэўныя нацыянальныя стравы. Напрыклад, бабку ці кіндзюк.

Белы: "Пакуль адбываліся спробы схапіцца за старыя савецкія брэнды кшталту гарэлкі "Сталічная" і шакаладу "Алёнка", суседзі метадычна засвойваюць не тое, што чужую ім, але агульную для Літвы, Польшчы і Беларусі кулінарную спадчыну. А мы хутка можам застацца з аднымі дранікамі".

Гісторык дадаў, што суседнія краіны ўжо імкнуцца даць пэўным стравам юрыдычны статус нацыянальных.